متاثرین سوات و مالاکنڈ کی مدد کے لئے منہاج القرآن بارسلونا نے Door to Door کولیکشن مہم کا آغاز کر دیا

Details

Published on Monday, 25 May 2009 00:00

سوات اور مالاکنڈ سے فوجی آپریشن کے نتیجے میں بے گھر ہو جانے والے افراد کی مدد کے لیے جس طرح منہاج القرآن انٹرنیشنل کے تحت پوری دنیا میں امدادی مہم جاری ہے اس طرح منہاج القرآن انٹرنیشنل سپین کی طرف سے بھی متاثرین کی مدد کے لیے مختلف سطح پر کام کا آغاز کر دیا گیا ہے ۔ 25 مئی بروز اتوار کو منہاج القرآن انٹرنیشنل سپین بارسلونا کی مجلس عاملہ کے اجلاس میں ہونے والے فیصلہ جات کے مطابق منہاج مصالحتی کونسل اور منہاج القرآن بارسلونا کے شعبہ ویلفیئر میں شامل افراد بارسلونا اور اس کے گرد و نواح میں موجود پاکستانی کمیونٹی بالخصوص تاجر برادری سے گھر گھر جا کر ملاقات کریں گے اور ان سے متاثرین کے لیے چندہ کی اپیل کریں گے ۔

تحریک منہاج القرآن کے تحت پاکستان اور پوری دنیا میں متاثرین کے لیے امدادی سرگرمیاں جاری ہیں جن میں پاکستان میں جاری جھولی پھیلاؤ مہم اور ٹرکوں کا امداد کارواں سر فہرست ہیں ۔